梅酒

「不如買d返去浸酒啦！」媽媽對著一籮青梅說。

多年前，家人從東京買了一支Choya的黑糖梅酒回來，一飲鍾情。梅的酸味，黑糖很subtle的甜味，再加上酒的醇香，簡直係無敵。

時值青梅盛產期，月頭開始看見街市的菜檔有青梅售賣，一磅10至15蚊不等。媽媽興致勃勃，決意要浸番兩罌梅酒自己飲！

就是這樣，兩個酒罌便放了總共六斤的三蒸酒、五磅青梅、兩斤冰糖。事前準備包括酒罌用酒洗一洗消毒、青梅用滾水滾一兩分鐘、放涼、抹乾，然後便把所有材料放進酒罌。現在失憶症很普遍，建議大家用紙寫低製造日期然後貼在酒罌上。

最後一個步驟：等。醬園的姐姐話其實青梅不用滾，只要抹乾便可，實際情況不得而知。可能青梅滾了會走味？聽講三個月就飲得，不過這傢伙當然越耐越好啦！

P.S. 一段時間沒有更新，春天已經悄悄的到訪，近幾日還有蟬雀爭鳴呢！